阿尔及利亚杀迪冇手软

今晚阿King以非洲国家盃8强战为重心，其中头场科特迪瓦对阿尔及利亚最有睇头。科特迪瓦不复当年勇，各自为战冇队形可言，相反有王牌马列斯领军嘅阿尔及利亚，4战全胜颇具冠军相，今场小让平半，一于捧上盘。

科特迪瓦乃前届非国盃盟主，但喺杜奥巴、耶耶托尼等相继退出国家队后，上届竟于分组赛出局，今届虽有韦费特沙夏、于法甲里尔爆出嘅尼高拉斯比比等助阵，4战取得3胜1负，睇落唔曳，但场场波都冇乜整体配合，好似16强对马里，全因对方后防一次犯错，畀沙夏偷鸡攻入致胜球，表现唔算标青。另一边厢，阿尔及利亚有曼城翼锋马列斯担大旗，无论正选嘅保利查、后备嘅施利文尼及阿当奥拿斯均交足货，今届4战赢晒之馀，轰9球兼保持清白之身，攻守兼备，论整体表现，远胜要靠沙夏单天保至尊嘅「大象兵团」，让平半亦好合理，上盘趁早买。

至于非国盃8强战尾场马达加斯加对突尼西亚，首次杀入决赛周嘅马达加斯加，今届4场比赛都有士哥，踢法坚进取，冇心理包袱下随时踢得更放，突尼西亚擅打稳守突击，大细中位数开1.5球咁笋，梗係捧入球大喇。

最后係南球盃16强首回合有阿甲内讧，高隆主场硬撼小阿根廷人，两军都未开咧，状态始终差啲，小阿根廷人近8仗6次开半场和，不妨再追。返回搜狐，查看更多